វិធីដាំត្រប់វែងដើម្បីទទួលបានផលច្រើន

☞☞ សម្រាប់បងប្អូនកសិករដែលចង់ដាំត្រប់ដើម្បីបង្កើនជីវភាព
#វិធីដាំត្រប់វែងដើម្បីទទួលបានផលច្រើន
សូមជួយចែករំលែក
* ការជ្រើសរើសពូជ
- ជ្រើសរើសពូជត្រប់ណាដែលទុំល្អ និងប្រភេទពូជដែលមានតម្រូវការទីផ្សារខ្ពស់
- ដាក់បណ្តុះគ្រាប់ពូជក្នុងកន្ទោងសម្រាប់យកដាំ
- បន្ទាប់មកជ្រើសរើសកូនដែលថ្លោសៗល្អមកដាំ។
* ការរៀបចំដី
- មុនពេលដាំយើងភ្ជួរ២ទៅ៣ដង ដើម្បីកំចាត់ស្មៅ និងឲ្យដីធូរ
- លើករងដាំ ទទឹងប្រមាណ៦តឹក កម្ពស់២តឹក បណ្តោយតាមទំហំដី
- កាប់រណ្តៅដាំដែលមានទំហំ២តឹកបួនជ្រុង ជម្រៅ២តឹក ចន្លោះពីដើមនីមួយៗកន្លះម៉ែត្រ
- ដាក់ជីកំប៉ុស្ត ជីលាមកសត្វស្ងួត និងកំទេចស្លឹកឈើចូល រួចយកដីលុបរណ្តៅ។
* ការដាំដុះ
- យកកូនត្រប់ដែលថ្លោសល្អនិងមានសុខភាពល្អដែលមានដុះ៤-៥ស្លឹក មកដាក់ដាំក្នុងរណ្តៅរួចស្រោចទឹកអោយសើមល្មម
* ការថែទាំ
- ស្រោចទឹករាល់៣ថ្ងៃម្តង បើមានភ្លៀងញឹកញាប់មិនស្រោចក៏បាន
- ជ្រុំគល់ ដកស្មៅ ការពារសត្វ និងរោគបំផ្លាញ ក្តិចស្លឹកចាស់ៗចេញ និងបន្ថែមជីកំប៉ុស្តរាល់២អាទិត្យម្តង
* ការប្រមូលផល
ក្រោយពីដាំបានរយះពេល១ខែកន្លះ អាចប្រមូលផលបានហើយ។
អត្ថបទដោយ៖ អ៊ាង សុផល្លែត

ស្មៅទឹកដោះខ្លាតូច

ស្មៅទឹកដោះខ្លាតូច
ជួយស្ត្រីឆ្លងទន្លេឲ្យមានទឹកដោះ រលាកពោះវៀន បញ្ចុះទឹកនោម បញ្ចុះព្រូន
* ផ្នែកប្រើប្រាស់៖ រុក្ខជាតិទាំងមូលយកស្រស់។
* កបនឹងជម្ងឺ៖ រលាកពោះវៀន រាគ ឫសដូងបាត ស្ត្រីឆ្លងទន្លេអត់ទឹកដោះ បញ្ចុះទឹកនោម បញ្ចុះព្រូន ឈឺពោះ។
* កំរិតប្រើ៖
-មនុស្សចាស់៖ 40g-100g ស្ងោរផឹកសំរាប់១ថ្ងៃ។
-ក្មេង៖ 10g-20g ស្ងោរផឹកសំរាប់១ថ្ងៃ។
ពេលមុតរបួសស្រាលយើងអាចយកជ័រវាមកលាបធ្វើឲ្យឆាប់ផ្សះផងដែរ។
ប្រភព៖ ឱសថបុរាណខ្មែរ
*** សូមពិនិត្យ និងពិគ្រោះជាមួយពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែអ្នកមិនមានជម្រើសផ្សេង។

បច្ចេកទេសដាំដំណាំចេក‬ឲ្យបានផលច្រើន

☞☞ បច្ចេកទេសល្អៗសម្រាប់បងប្អូនដែលចង់ដាំដំណាំចេក
បង្កើនប្រាក់ចំណូល
‎#បច្ចេកទេសដាំដំណាំចេក‬ឲ្យបានផលច្រើន #ការថែទាំដាក់ជី #ការប្រមូលផល
សូមជួយចែករំលែកដល់បងប្អូនកសិករយើងផង

* ការរៀបចំដី៖
- ភ្ជួរដីលើកទី១ដើម្បីសំលាប់ស្មៅ ១០ថ្ងៃក្រោយត្រូវភ្ជួរម្តងទៀត។
* ការរៀបចំដាំ៖
- ទុកចន្លោះពីរងនីមួយៗចម្ងាយ ២ម៉ែត្រ
- ជីករណ្តៅទំហំ ៥តឹកx៥តឹកx៣ជម្រៅតឹក
- ដាក់ជីកំប៉ុស្ត៍ និងដីមមោគ ៥គីឡូក្រាមក្នុង១រណ្តៅ
- យកកូនចេកដែលមានកម្ពស់ប្រមាណ៣តឹក ដែលមានដុះស្លឹកប្រមាណ៣ធាងសម្រាប់ការដាំ
- ដាក់ដាំកូនចេកនៅចន្លោះកណ្តាលនៃរណ្តៅរួចលប់ដីបំពេញ ហើយត្រូវដាំកូនចេកទាំងអស់បែរទៅទិសតែមួយ (មើលតាមស្លឹកធាងដំបូង) ដើម្បីងាយស្រួលប្រមូលផល។
- ពេលដាំរួចដាក់ចំបើងគ្របជុំវិញគល់របស់វារួចស្រោចទឹក។
* ការថែទាំ និងដាក់ជី៖
- ត្រូចធ្វើការស្រោចទឹកជាប្រចាំនៅពេលដែលដីនៅ
ជុំវិញគល់របស់វាស្ងួត។
- នៅពេលវាអាយុបាន ១ខែ ដាក់ជី 10-5-15 ឬ 10-0-20 ៨០-១០០ក្រាម ក្នុងមួយដើម។
- នៅពេលវាអាយុបាន ៣ខែ ដាក់ជី 10-5-15 ឬ 10-0-20 ២៥០ក្រាម ក្នុងមួយដើម។
- នៅពេលវាអាយុបាន ៥ខែ ដាក់ជី 5-15-20 ២៥០ក្រាម ក្នុងមួយដើម។
- នៅពេលវាអាយុបាន ៧ខែជាពេលដែលវាចាប់ផ្តើមមានត្រយោង ដាក់ជី 10-0-00 ៥០-១០០ក្រាម ក្នុងមួយដើម។
- ដាក់ជីកំប៉ុស្ត៍រាល់៣ខែម្តង និងត្រូវធ្វើការសម្ងាតស្មៅជាប្រចាំ។
- ត្រូវកាត់ស្លឹកណាដែលរាងទុំលឿងចេញ ដើម្បីឲ្យវាមានសារធាតុគ្រប់គ្រាន់សម្រាប់ចិញ្ចឹមដើម និងផ្លែ។
- រយៈពេល ៥ខែបន្ទាប់ពីការដាំត្រូវចងបង្គោលសម្រាប់ទប់ដើម
ចេកការពារការបាក់ដើមនៅពេលវាផ្លែ។
- យកថង់ប្លាស្ទិច ឬការុងពណ៌ខៀវចងស្រោបត្រយោងចេក១៥ថ្ងៃ មុននឹងធ្វើការកាត់ប្រមូលផលដើម្បីឲ្យវាមានពណ៌ស្រស់ស្អាត និងការពារពីសត្វផ្សេងៗផងដែរដោយទុកចំហរផ្នែកចុងខាងក្រោមបន្តិច។
- កាត់ចុងត្រយោងចេកចោលនៅពេលដែលវាចេញផ្លែ
ដែលផ្លោសល្អអស់ហើយ។
* ការប្រមូលផល៖
- រយៈពេលប្រមាណ ១០ខែយើងអាចចាប់ផ្តើមប្រមូលផលបាន។
- នៅពេលដែលប្រមូលផលពីដើមចេកណាមួយហើយយើង
ត្រូវកាត់ដើមនោះចោលដោយទុកកម្ពស់ប្រមាណ ១,៥ម៉ែត្រពីដីដើម្បីកុំឲ្យវាដណ្តើមជីវជាតិពីដើមដ៏ទៃ។
- ការតាត់បែបនេះដើម្បីឲ្យចេកចេញកូនពន្លកថ្មីៗ
ច្រើនបន្ថែមទៀតដែលអាចឲ្យយើងជីកយកកូនរបស់វាដាំបន្តទៀត។
- បន្ទាប់ពីប្រមូលផលអស់ហើយយើងត្រូវដាំចេកដោយ
ជីករណ្តៅថ្មីផ្សេងពីរណ្តៅចាស់ ហើយគល់ចេកនៅរណ្តៅចាស់វារលួយ
ក្លាយជាជីសម្រាប់ចេកថ្មីបានផងដែរ។
>>សូមរក្សារនូវរាល់ទម្រង់អត្ថបទដើមរបស់ខ្ញុំ នូវរាល់ប្រភពដែលយកទៅចែកចាយបន្ត!
រៀបរៀងអត្ថបទដោយ៖ អ៊ាង សុផល្លែត

បច្ចេកទេសដាំខ្ញីក្នុងការុង

#បច្ចេកទេសដាំខ្ញីក្នុងការុង
ងាយស្រួលក្នុងការដាំ ថែទាំ និងដាក់ជីអាចដាំបានគ្រប់រដូវ
*សម្ភារៈត្រូវមាន៖
- ការុងប្រភេទ ២៥ ឬ៥០គីឡូ សម្រាប់ដាំ
- មើមពូជខ្ញី
- ដីស្រែស្រទាប់លើ លាយជាមួយជីកំប៉ុស្ត ជីលាមកសត្វពុកផុយ ជីអង្កាមដុត និងកំទេចស្លឹកឈើ
* វិធីដាំ៖
- បើយើងយកការុង៥០គីឡូនោះយើងត្រូវបត់វាយកត្រឹមពាក់កណ្តាល បើការុង២៥គីឡូមិនបាច់បត់ទេ និងដាក់គំលាត៥តឹក ឬអាចដាក់ជាប់គ្នាក៏បាន
- ចាក់ល្បាយដី និងជីចូលក្នុងការុងនោះកម្ពស់៣តឹក
- យកមើមពូជខ្ញីដែលមានដុះពន្លកស្រាប់មកដាក់ដាំចំកណ្តាលជម្រៅកន្លះតឹក រួចយកចំបើងគ្របពីលើ ហើយដាក់ការុងដែលយើងដាំនៅកន្លែងមានពន្លឺថ្ងៃគ្រប់គ្រាន់ និងមិនលិចទឹក។
* ការថែទាំ៖
- ត្រូវស្រោចទឹកជាប្រចាំ និងត្រូវដាក់បន្ថែមទឹកជីកំប៉ុស្តរាល់២អាទិត្យម្តង
- ធ្វើការសំអាតស្មៅចេញ
- អាយុចាប់៤-៥ខែយើងអាចចាប់ផ្តើមប្រមូលផលបានហើយ។
អត្ថបទដោយ៖ អ៊ាង សុផល្លែត

ម្អម ជាឱសថដ៏ពិសេស ជួយស៊ែរចែកគ្នាដឹងផង!

#ម្អម ជាឱសថដ៏ពិសេស ជួយស៊ែរចែកគ្នាដឹងផង!
ជួយព្យាបាលរោគគ្រួសតំរងនោម លាងសារធាតុពិសពុលក្នុងខ្លួន
បញ្ចុះសម្ពាធឈាមខ្ពស់ ជួយបង្កើនទឹកដោះមាតា
ជួយឃាត់ឈាមកុំឲ្យហូរសម្រាប់មុខរបួសស្រាល

* ផ្នែកប្រើប្រាស់៖ រុក្ខជាតិទាំងមូល។
* ការប្រើប្រាស់៖ ហាលស្ងួតទុក ធ្វើតែឆុងពិសា។
* សារៈប្រយោជន៍៖
- លាងនូវសារធាតុពិសពុលក្នុងខ្លួន ឬ អាចឮកែនូវ អាការៈស្រវឹង
បានយ៉ាងល្អផងដែរ
- បញ្ចុះសារធាតុខ្លាញ់ក្នុងសរសៃឈាម ដែលធ្វើឲ្យស្ទះសរសៃឈាម
- បញ្ចុះ កំដៅ (បុកស្រស់យកទឹកពិសា)
- កែខ្យល់ចាប់ ទល់លាមក បណ្តេញខ្យល់ក្នុងពោះវៀន
- បញ្ចុះសម្ពាធឈាមខ្ពស់
- ជួយដល់អ្នកជំងឺទឹកនោមផ្អែម
- ដើមស្រស់ ជួយបង្កើនទឹកដោះ មាតា ..។ល។
*វិធីធ្វើ៖ យកដើមស្រស់ មក ស្ងោរ យកទឹកញ៉ាំ ឬហាលស្ងួតឆុងហូបដូចតែ។
» ជាពិសេសម្អម អាចប្រើប្រាស់សម្រាប់ឃាត់មុខរបួសកុំឲ្យហូរឈាម និងជួយផ្សះមុសរបួសឲ្យឆាប់ជាបានយ៉ាងរហ័សផងដែរ ដោយយកទៅបុក ឬទំពារឲ្យម៉ដ្ឋរួចយកទៅបិតកន្លែងដែលមានមុខរបួស។
*ហាមប្រើ៖ ស្ត្រីមានផ្ទៃពោះ
ដកស្រង់អត្ថបទពី៖ The Memories
ចំណាំ៖ ម្អមជាបន្លែសំរាប់បរិភោគ មិនមែនជាឱសថព្យាបាលជំងឺឡើយ គ្រាន់តែវាមានប្រយោជន៍ចំពោះសុខភាព។

Zucchini ជាបន្លែអំបូរល្ពៅ

Zucchini ជាបន្លែអំបូរល្ពៅ ដែលមានការពេញនិយម ការដាំបែបវិទ្យាសាស្រ្តសម័យទំនើប ដែលមានដាំនៅប្រទេសចិន កូរ៉េ អូស្រ្តាលីជាដើម។
គេចូលចិត្តដាំនៅរដូវក្តៅ ហើយផ្លែវាធំលឿនណាស់ កាន់តែក្តៅកាន់តែធំ បើក្តៅខ្លាំងគេអាចកាត់ផ្លែវាក្នុងមួយថ្ងៃពីរដងហើយនៅពេលរដូវត្រជាក់ចូលដល់ដើមវានឹងចាប់ផ្តើមងាប់។
រសជាតិឆ្ងាញ់ ផ្អែម ពេលស្រុះ និងអាចយកធ្វើមុខម្ហូបបានច្រើនទៀត។
អត្ថបទ៖ អ៊ាង សុផល្លែត

ថ្នាំបុរាណខ្មែរព្យាបាលជំងឺពិស ពូកែស័ក្តិសិទ្ធ

☞☞ មានសង្ឃឹមហើយ ជួយស៊ែរដល់អ្នកកើតពិសផង!
អ្នកដែលលេបថ្នាំមិនជា ព្យាបាលដោយមិនអស់ប្រាក់
☞ ថ្នាំបុរាណខ្មែរព្យាបាលជំងឺពិស ពូកែស័ក្តិសិទ្ធ
មានមនុស្សជាច្រើនបានកើតជំងឺខែ្មរយើងហៅថាជំងឺពិស ហើយមានអ្នកខ្លះកើតជម្ងឺនេះរហូតដល់បាត់បង់ជីវិតទៀតផង។ ថ្នាំនេះបណ្តេញពិសយ៉ាងឆាប់រហ័សមានប្រសិទ្ធភាព ខ្ញុំព្យាបាលបានមនុស្សជាសះចំនួន៤នាក់ហើយ វាមានប្រសិទ្ធភាពមែន!
* វិធីព្យាបាលជម្ងឺពិសនេះគឺ៖
១-ស្លឹកទៀបបាយ ៧ សន្លឹក (យកត្រួយ)
២-ស្លឹកត្របែក ៧ សន្លឹក (យកត្រួយ)
៣-ស្លឹកសាវម៉ាវព្រៃ ៧ សន្លឹក (យកត្រួយ)
ទាំងបីមុខនេះ លាងទឹកអោយស្អាត រួច បុកជាមួយគ្នា
ហើយយកទៅត្រាំជាមួយទឹកដូងខ្ចី១ ចំនួន ៥នាទី រួច
ច្រោះយកទឹកមកផឹក ក្នុង ១ ថ្ងៃ អោយបានពីរ ទៅបី
ផ្លែដូង។ បន្តផឹករហូតជម្ងឺពិសជាសះស្បើយ៕
ប្រភពផ្ទាល់ពីលោក៖ Bunthoeun Ouk
* វិធីព្យាបាល១បែបទៀត៖ យកគុលចេកជ្វា និងដើមក្តាតយកមកដាំទឹកហូប។
ជម្ងឺនេះអាចមានរោគសញ្ញាដូចជា៖
- ឡើងជាំខ្មៅលើដងខ្លួន
- មានលើដំបៅ ស្រដៀងនឹងជុំងឺមហារីកដែរ។
រូបភាពជាជំនួយសម្រាប់ការស្វែងយល់
*** សូមពិនិត្យ និងពិគ្រោះជាមួយពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែអ្នកមិនមានជម្រើសផ្សេង។
សម្រួលដោយ៖ អ៊ាង សុផល្លែត